അര്‍ജുൻ അശോകൻ നായകനായി വന്ന ചിത്രമാണ് ആനന്ദ് ശ്രീബാല. വിഷ്‍ണു വിനയ്‍യാണ് ചിത്രത്തിന്റെ സംവിധാനം. നടനായി തിളങ്ങിയ വിഷ്‍ണു വിനയന്റെ മകനും ആണ്. വിഷ്‍ണു വിനയന്റെ ആദ്യ സംവിധാന ചിത്രം മോശമാക്കിയില്ലെന്നാണ് പ്രതികരണങ്ങള്‍.
ആനന്ദ് ശ്രീബാല ഒരു മികച്ച സിനിമയാണ് എന്നാണ് സാമൂഹ്യ മാധ്യമങ്ങളിലെ കുറിപ്പുകള്‍. യഥാര്‍ഥ സംഭവങ്ങളെ ആസ്‍പദമാക്കിയുള്ള ഇൻവസ്റ്റിഗേഷൻ ചിത്രമാണ് ആനന്ദ് ശ്രീബാല്. ചിത്രത്തിന്റേത് മികച്ച ഒരു തിരക്കഥയാണ്. അര്‍ജുൻ അശോകൻ സിനിമയെ നയിക്കുന്നുവെന്നും പറയുന്നു ആനന്ദ് ശ്രീബാല കണ്ട പ്രേക്ഷകര്‍.
ആനന്ദ് ശ്രീബാല നിര്‍മിക്കുന്നത് കാവ്യ ഫിലിം കമ്പനിയും ആൻ മെഗാ മീഡിയയുടെയും ബാനറിലാണ്. സംവിധായകനായുള്ള വിഷ്‍ണു വിനയന്റെ അരങ്ങേറ്റ ചിത്രത്തില്‍ അർജുൻ അശോകനൊപ്പം സൈജു കുറുപ്പ്, അപർണ്ണ ദാസ്, ധ്യാൻ ശ്രീനിവാസൻ, അജു വർഗീസ്, ആശ ശരത്, ഇന്ദ്രൻസ്, മനോജ്‌ കെ യു, മാളവിക മനോജ്‌ എന്നിവരാണ് പ്രധാന കഥാപാത്രങ്ങളായി ഉള്ളത് എന്നാണ് റിപ്പോര്‍ട്ട്. ഛായാഗ്രാഹണം നിര്‍വഹിക്കുന്നത് ചന്ദ്രകാന്ത് മാധവനാണ്. സംഗീതം നിര്‍വഹിക്കുന്നത് രഞ്‍ജിൻ രാജാണ്.
