തിരുവനന്തപുരം: മരക്കൊമ്പ് ഒടിഞ്ഞുവീണ് പരിക്കേറ്റ് ചികിത്സയിലായിരുന്നയാൾ മരിച്ചു. കൊല്ലം പരവൂർ നെടുങ്ങോലം പാറയിൽക്കാവ് ക്ഷേത്രത്തിന് സമീപം സുനിൽ ഭവനിൽ എസ്കെ സുനിൽ (46) ആണ് മരിച്ചത്. മകളുടെ ചികിത്സയ്ക്കായി തിരുവനന്തപുരം മെഡിക്കൽ കോളേജിലെത്തിയതായിരുന്നു സുനിൽ.ശനിയാഴ്ചയാണ് ചികിത്സയിലിരിക്കവേ മരിച്ചത്.
മെയ് 23-നാണ് മെഡിക്കൽ കോളേജ് ക്യാംപസിനുള്ളിലെ മരത്തിന്റെ ശിഖരം സുനിലിന്റെ തലയിൽ വീണത്. തലയ്ക്കും കഴുത്തിനും നട്ടെല്ലിനും ഗുരുതരമായി പരിക്കേറ്റ സുനിൽ ഐസിയുവിൽ ചികിത്സയിലായിരുന്നു. രാത്രിയിലെ ശക്തമായ മഴയിലും കാറ്റിലും പീഡിയാട്രിക് വിഭാഗത്തിനു സമീപത്തെ മരക്കൊമ്പ് ഒടിഞ്ഞു വീഴുകയായിരുന്നു.അധികൃതരുടെ അനാസ്ഥ കാരണം അപകടം സംഭവിച്ചിട്ടും അധികാരികൾ നോക്കിയില്ലെന്ന് പരാതി ഉയർന്നിരുന്നു.ഇത് വിവാദമായതിന് പിന്നാലെയാണ്ഇടപെട്ട് സുനിലിന് ചികിത്സ നൽകാൻ തീരുമാനിച്ചത്.
