സെക്രട്ടറിയേറ്റിനു മുന്നിൽ കെഎസ്ആർടിസി ബസ് ഇടിച്ച് വീട്ടമ്മ മരിച്ചു

തിരുവനന്തപുരം : സെക്രട്ടേറിയേറ്റിന് മുമ്പിൽ വച്ച് കെഎസ്ആർടിസി ബസ് ഇടിച്ച് വീട്ടമ്മ മരിച്ചു . പേയാട് സ്വദേശി ​ഗീത (62)യാണ്  ഭർത്താവിന്റെ മുന്നിൽ വച്ച് അപകടത്തിൽ മരിച്ചത്. റോഡ് മുറിച്ചു കടക്കുമ്പോഴാണ് ബസ് ഇടിച്ചത്. ഇന്ന് രാവിലെ 10.15-നായിരുന്നു സംഭവം.ഭർത്താവ് പ്രദീപിനൊപ്പെം ജനൽ ആശുപത്രിയിലേക്ക് പോകാൻ ബസ്സിറങ്ങിയതായിരുന്നു ​ഗീത. അതേ ബസ്സിന്റെ മുന്നിലൂടെ ഭര്‍ത്താവിനൊപ്പം റോഡ് മുറിച്ചുകടക്കുന്നതിനിടെ മുന്നോട്ടെടുത്ത ബസ് ഗീതയുടെ ശരീരത്തിലൂടെ കയറി ഇറങ്ങുകയായിരുന്നു.ഡ്രൈവര്‍ ശ്രദ്ധിക്കാതെ ബസ് മുന്നോട്ടെടുത്തതാണ് അപകടത്തിന് കാരണം.ഉടൻ തന്നെ പൊലീസ് നാട്ടുകാരും ചേർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.