മലയാളികൾക്ക് അഭിമാനം ; കർണാടക ചലച്ചിത്രമേളയിൽ മലയാള ചിത്രം റോട്ടൻ സൊസൈറ്റിയ്ക്ക് മികച്ച കഥയ്ക്കുള്ള പുരസ്കാരം

കർണാടക രാജ്യാന്തര ചലച്ചിത്ര മേളയിലെ പുരസ്കാരനിറവിൽ മലയാള ചിത്രവും ‘റോട്ടന്‍ സൊസൈറ്റി എന്ന ചിത്രത്തിനാണ് മികച്ച കഥയ്ക്കുള്ള പുരസ്കാരം ലഭിച്ചത്.എസ് എസ് ജിഷ്ണു ദേവ് തിരക്കഥ എഴുതി സംവിധാനം നിർവഹിച്ച 70 ൽ പരം അവാർഡുകൾ സ്വന്തമാക്കിയചിത്രമാണ് റോട്ടൻ സൊസൈറ്റി.ഒരു റിപ്പോർട്ടറിന്റെ മരണത്തെ തുടർന്നുണ്ടാകുന്ന പ്രശ്നങ്ങളും അതേ റിപ്പോർട്ടറിന്റെ ക്യാമറ ഒരു ഭ്രാന്തന്റെ കൈയ്യിൽ കിട്ടുമ്പോൾ ഉണ്ടാകുന്ന സംഭവ വികാസങ്ങളും ആണ് സിനിമയുടെ ഉള്ളടക്കം. അന്തർ ദേശീയ ചലച്ചിത്ര മേളകളിൽ നിന്നും മികച്ച അഭിപ്രായം ഈ സിനിമ നേടിക്കഴിഞ്ഞിരിക്കുകയാണ്. ഫെബ്രുവരിയിൽ രാജസ്ഥാൻ രാജ്യാന്തര ചലച്ചിത്ര മേളയിൽ സിനിമയുടെ പ്രദർശനം ഉണ്ടായിരിക്കുന്നതാണ്.