Saturday, November 29, 2025
Online Vartha
HomeTrivandrum Cityഷർട്ടിൽ മൈക്ക് , ക്യാമറകൾക്ക് മുന്നിൽ കരാറുകാരനെ ശകാരിക്കുന്ന കടകംപള്ളി സുരേന്ദ്രൻ എം.എൽ.എയുടെ വീഡിയോ...

ഷർട്ടിൽ മൈക്ക് , ക്യാമറകൾക്ക് മുന്നിൽ കരാറുകാരനെ ശകാരിക്കുന്ന കടകംപള്ളി സുരേന്ദ്രൻ എം.എൽ.എയുടെ വീഡിയോ വൈറൽ ട്രോൾ മയം

Online Vartha
Online Vartha

കഴക്കൂട്ടം: ശ്രീകാര്യം-കല്ലമ്പള്ളി റോഡിന്റെ നിർമ്മാണം വൈകുന്നതുമായി ബന്ധപ്പെട്ട് കരാറുകാരനെ പരസ്യമായി ശാസിക്കുന്ന കടകംപള്ളി സുരേന്ദ്രൻ എം.എൽ.എയുടെ വീഡിയോ സാമൂഹിക മാധ്യമങ്ങളിൽ വൈറൽ.

തുടർന്ന് ട്രോൾ മയം.ഷർട്ടിൽ മൈക്ക് കുത്തി, ക്യാമറകൾക്ക് മുന്നിൽ വെച്ച് നടത്തിയ വീഡിയോ ചിത്രീകരണം ‘തിരഞ്ഞെടുപ്പ് സ്റ്റണ്ട്’ ആണെന്ന വിമർശനമാണ് പ്രധാനമായും ഉയരുന്നത്.ഏഴ് മാസമായി നിർമ്മാണം നടക്കുന്ന റോഡിന്റെ ശോചനീയാവസ്ഥയിൽ റോഡിലെ കുഴി മൂടാത്തതിനെക്കുറിച്ച് കരാറുകാരനോട് ക്ഷോഭത്തോടെ ചോദിക്കുന്നതും, ചെളി ഉടൻ മാറ്റാൻ നിർദ്ദേശിക്കുന്നതും വീഡിയോയിൽ കാണാം.”നിങ്ങൾ പണി നിർത്തിവെച്ച് പോകേണ്ടിവരും.

നിങ്ങൾക്ക് ഒരു കോപ്പും ഉണ്ടാക്കാൻ പറ്റില്ല,” എന്നും എം.എൽ.എ. കരാറുകാരനോട് പറയുന്നത് ദൃശ്യങ്ങളിലുണ്ട്. ജെ.സി.ബി. വെച്ച് വീണ്ടും കുത്തിയിളക്കേണ്ടെന്നും കൊത്തിയെടുത്താൽ മതിയെന്നും അദ്ദേഹം നിർദ്ദേശിക്കുന്നുണ്ട്.സോഷ്യൽ മീഡിയയിൽ ഈ വീഡിയോ വ്യാപകമായി പ്രചരിച്ചതോടെയാണ് എം.എൽ.എ. ക്യാമറയുടെ മുന്നിൽ നടത്തിയ ഈ പ്രകടനം വരാനിരിക്കുന്ന തിരഞ്ഞെടുപ്പ് മുന്നിൽ കണ്ടുള്ളതാണെന്ന വിമർശനവും ശക്തമായത്. അതേസമയം, റോഡുപണിയുമായി ബന്ധപ്പെട്ട് കരാറുകാരനെ ശകാരിച്ചത് ബോധപൂർവമല്ലെന്ന് കടകംപള്ളി സുരേന്ദ്രൻ പ്രതികരിച്ചു. പൊതുജനങ്ങളുടെ ദുരിതം കണ്ടതിലുള്ള സ്വാഭാവികമായ പ്രതികരണമാണ് തൻ്റെ ഭാഗത്തുനിന്നുണ്ടായതെന്നാണ് വിശദീകരണം

RELATED ARTICLES
- Advertisment -
Online Vartha

Most Popular

error: Content is protected !!