കഴക്കൂട്ടത്ത് കാറുകൾ കൂട്ടിയിടിച്ച് അപകടം ;ആറുപേർക്ക് പരിക്ക് ,ഒരാളുടെ നില ഗുരുതരം

കഴക്കൂട്ടം: കഴക്കൂട്ടത്ത് കാറുകള്‍ കൂട്ടിയിടിച്ച് അപകടം. അപകടത്തില്‍ ആറ് പേര്‍ക്ക് പരുക്ക്. ഇതില്‍ ഒരാളുടെ നില ഗുരുതരമാണ്. രാവിലെ ആറരയോടെയാണ് വാഹനാപകടമുണ്ടായത്. ചന്തവിള കിന്‍ഫ്രക്ക് മുന്നിലെ വളവില്‍ നിയന്ത്രണം വിട്ട കാര്‍ എതിരെ വന്ന കാറില്‍ ഇടിക്കുകയായിരുന്നു. തിരുവനന്തപുരം വിമാനത്താവളത്തില്‍ നിന്നും അടൂരിലേക്ക് പോയ കാറും എതിരെ വന്ന മറ്റൊരു കാറുമാണ് കൂട്ടിയിടിച്ചത്. പരുക്കേറ്റവരെ മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ് .