കൊച്ചി: സംസ്ഥാന സ്‌കൂള്‍ കായികമേളയിൽ ഓവറോള്‍ ചാംപ്യന്മാരായി തിരുവനന്തപുരം ജില്ല. 1,935 പോയിന്റോടെയാണ് തിരുവനന്തപുരം കിരീടം ഉറപ്പിച്ചത്. 848 പോയിന്റ് നേടി തൃശൂര്‍ രണ്ടാമതും 803 പോയിന്റുമായി മലപ്പുറം മൂന്നാം സ്ഥാനവും നേടി.
അത്‌ലറ്റിക്‌സില്‍ 233 പോയിന്റുകളോടെ മലപ്പുറം ഒന്നാം സ്ഥാനത്തെത്തി. മലപ്പുറത്തിന്റെ കന്നി അത്‌ലറ്റിക്‌സ് കിരീടമാണ്. ഗെയിംസിൽ 1,213 പോയിന്റുകളോടെ തിരുവനന്തപുരം തന്നെയാണ് ഒന്നാം സ്ഥാനത്ത്. തൃശൂര്‍ രണ്ടും, കണ്ണൂര്‍ മൂന്നും സ്ഥാനങ്ങൾ നേടി.
സ്‌കൂള്‍ വിഭാഗത്തില്‍ ഒന്നാം സ്ഥാനം മലപ്പുറം കടകശ്ശേരി ഐഡിയല്‍ സ്‌കൂളിനാണ്. നാവാമുകുന്ദ എച്ച്എസ്എസ് തിരുനാവായ രണ്ടാം സ്ഥാനവും കോതമംഗലം മാര്‍ ബേസില്‍ സ്‌കൂള്‍ മൂന്നാം സ്ഥാനവും കരസ്ഥമാക്കി.
