പോത്തന്‍കോട് (തിരുവനന്തപുരം) : സന്ന്യാസത്തിന്റെയും ഭാരതീയ ആത്മീയ പാരമ്പര്യത്തില്‍ അതിന്റെ പ്രസക്തിയെയും തിരിച്ചറിഞ്ഞ് അതു പ്രാവര്‍ത്തികമാക്കാന്‍ നവജ്യോതിശ്രീകരുണാകരഗുരു മുന്നോട്ടു വെച്ച തത്വശാസ്ത്രത്തെ ഉള്‍ക്കൊണ്ട് സമൂഹത്തില്‍ ആത്മബോധം വളര്‍ത്തുന്നവരാണ് ശാന്തിഗിരിയിലെ സന്ന്യാസപരമ്പരയെന്ന് മുന്‍ കേന്ദ്രസഹമന്ത്രി വി. മുരളീധരന്‍. പോത്തന്‍കോട് ശാന്തിഗിരി ആശ്രമത്തില്‍ നാല്‍പ്പത്തിയൊന്നാം സന്ന്യാസദീക്ഷാ വാര്‍ഷികത്തോടനുബന്ധിച്ച് നടന്ന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജ്ഞാനത്തിലൂടെ കര്‍മ്മത്തിലൂടെ എങ്ങനെ ഒരു സന്ന്യാസി ലോകക്ഷേമം ഉറപ്പുവരുത്താന്‍ വേണ്ടി പ്രവര്‍ത്തിക്കുന്നു എന്ന ആശയം ഭാരതീയ പാരമ്പര്യത്തെ ഉയര്‍ത്തിപ്പിടിക്കുന്നതാണ്. 1984 ലെ വിജയദശമി ദിനത്തില്‍ ശ്രീകരുണാകരഗുരു ദീക്ഷ നല്‍കിയ 31 പേരില്‍ 21 പേര്‍ സ്ത്രീകളായിരുന്നു. ആ പാരമ്പര്യം പിന്‍തുടര്‍ന്ന് കൊണ്ടാണ് ആശ്രമം മുന്നോട്ടു പോകുന്നുവെന്നതിന്റെ ഏറ്റവും ഒടുവിലത്തെ ഉദാഹരണമാണ് 2022ല്‍ ഇതേദിനത്തില്‍ 22 പെണ്‍കുട്ടികള്‍ക്ക് ഗുരുസ്ഥാനീയ ദീക്ഷ നല്‍കിയത്. ആശ്രമം പ്രസിഡന്റ് സ്വാമി ചൈതന്യ ജ്ഞാന തപസ്വി അദ്ധ്യക്ഷത വഹിച്ച ചടങ്ങില്‍ ജനറല്‍ സെക്രട്ടറി സ്വാമി ഗുരുരത്നം ജ്ഞാന തപസ്വി, പാളയം ഇമാം ഡോ.വി.പി. സുഹൈബ് മൌലവി എന്നിവര്‍ മഹനീയ സാന്നിദ്ധ്യമായി. ഫോട്ടോഗ്രാഫര്‍ പി.സി.രാജീവിനെ ചടങ്ങില്‍ ആദരിച്ചു. അന്തരിച്ച ഡോ.മോഹന്‍ പാമ്പാടിയുടെ ജീ‍വിതാനുഭവങ്ങളെ ആസ്പദമാക്കി അനില്‍ ചേര്‍ത്തല രചിച്ച ‘നിവേദിതം’ എന്ന പുസ്തകത്തിന്റെ പ്രകാശനവും നടന്നു. മാണിക്കല്‍ ഗ്രാമപഞ്ചായത്ത് പ്രസിഡന്റ് കുതിരകുളം ജയന്‍, ബിജെപി തിരുവനന്തപുരം നോര്‍ത്ത് ജനറല്‍ സെക്രട്ടറി എം.ബാലമുരളി, കേരള സര്‍വ്വകലാശാല സിന്‍ഡിക്കേറ്റ് അംഗം ഡോ.ഷിജു ഖാന്‍, കെ.പി.സി.സി. അംഗം അഡ്വ. ജെ.എസ്. അഖില്‍, മോഹന്‍ദാസ് ഗ്രൂപ്പ് ഡയറക്ടര്‍ റാണി മോഹന്‍ദാസ്, മാണിക്കല്‍ ഗ്രാമപഞ്ചായത്ത് ക്ഷേമകാര്യ സ്ഥിരം സമിതി ചെയര്‍പേഴ്സണ്‍ ആര്‍. സഹീറത്ത് ബീവി, സ്വാമി ഗുരുസവിധ്, അനില്‍ചേര്‍ത്തല, സബീര്‍ തിരുമല, ബ്രഹ്മചാരി വിവേക്. വി, എം.പി. പ്രമോദ്. പി. വിജയകുമാരി, ആര്‍. വിശ്വംഭരന്‍ കുമാര്‍.ജെ.നായര്‍, കുമാരി കെ.എം. ധര്‍മ്മജ തുടങ്ങിയവര്‍ സമ്മേളനത്തില്‍ സംസാരിച്ചു. അതോടൊപ്പം വിവധ ചടങ്ങുകളും നടന്നു.
ശാന്തിഗിരിയിലെ സന്ന്യാസപരമ്പര സമൂഹത്തില്‍ ആത്മബോധം വളര്‍ത്തുന്നത്.
RELATED ARTICLES
- Advertisment -