കഴക്കൂട്ടം മഹാദേവർ ക്ഷേത്രത്തിലെ മേട തിരുവാതിര ഉത്സവത്തിന് ഭക്തി സാന്ദ്രമായ തുടക്കം.

കഴക്കൂട്ടം: പത്ത് ദിവസം നീണ്ടു നിൽക്കുന്ന കഴക്കൂട്ടം മഹാദേവർ ക്ഷേത്രത്തിലെ മേട തിരുവാതിര ഉത്സവത്തിന് ഭക്തി സാന്ദ്രമായ തുടക്കം. ക്ഷേത്ര മേൽ ശാന്തി ഉമേഷ് കൃഷ്‌ണൻ പോറ്റി,ശാന്തിമാരായ നന്ദു,ഉണ്ണി എന്നിവരുടെ നേതൃത്വത്തിൽ കൊടിയേറ്റ് ചടങ്ങുകൾ നടന്നതോടെയാണ് ഈ വർഷത്തെ ഉത്സവത്തിന് തുടക്കമായത്. നൂറുകണക്കിന് ഭക്തരാണ് കൊടിയേറ്റ് ചടങ്ങുകളിൽ പങ്കെടുത്തത്. വി.കെ പ്രശാന്ത് എം.എൽ.എ,ക്ഷേത്ര ഉപദേശക സമിതി  പ്രസിഡന്റ് ജി.രാജശേഖരൻ നായർ, സെക്രട്ടറി കൃഷണ ദാസ്,അസിസ്റ്റന്റ് ദേവസ്വം കമ്മീഷണർ ബിജു, സബ്ബ് ഗ്രൂപ്പ് ഓഫീസർ പ്രദീപ്,അശ്വതി അനിൽ, തുടങ്ങിയവർ പങ്കെടുത്തു..