നെടുമങ്ങാട് ഭാര്യയുമായുള്ള സൗഹൃദത്തെ തുടർന്നുണ്ടായ തർക്കത്തിൽ യുവാവിനെ അയൽവാസി കുത്തിക്കൊന്നു

തിരുവനന്തപുരം: യുവാവിനെ അയൽവാസി കുത്തിക്കൊന്നു. നെടുമ്പാറ സ്വദേശി സാജനാണ് (32) മരിച്ചത്. മെഡിക്കൽ കോളേജിൽ ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്.അയൽവാസിയായ ഉണ്ണിയാണ് സാജനെ കുത്തിക്കൊലപ്പെടുത്തിയത്.സംഭവത്തിൽ മൂന്നു പേരെ നെടുമങ്ങാട് പൊലീസ് കസ്റ്റഡിയിലെടുത്തു. ഭാര്യയുമായുളള സൗഹൃദത്തെച്ചൊല്ലിയുള്ള തർക്കമാണ് കൊലപാതകത്തിൽ കലാശിച്ചതെന്ന് പൊലീസ് പറയുന്നു.