തിരുവനന്തപുരം: ടെക്നോപാര്ക്ക് ജീവനക്കാരനെ കഴക്കൂട്ടത്തെ ഹോട്ടല്മുറിയില് മരിച്ച നിലയില് കണ്ടെത്തി. ടെക്നോപാര്ക്ക് ഐകണ് കമ്പനിയിലെ ജീവനക്കാരനും എറണാകുളം പുത്തന്വേലിക്കര ഇലന്തിക്കര സ്വദേശിയുമായ നിഖില് ആന്റണി (30)യെ ആണ് മരിച്ചനിലയില് കണ്ടെത്തിയത്.തലയില് പ്ലാസ്റ്റിക് കവറിട്ട് കഴുത്തില് വയറിങ് ടൈ മുറുക്കിയ നിലയിലാണ് മൃതദേഹം കണ്ടെത്തിയത്. കഴക്കൂട്ടം പോലീസ് സ്ഥലത്തെത്തി. ‘എന്റെ മരണത്തിന് ആരും ഉത്തരവാദിയല്ല’ എന്ന ആത്മഹത്യാക്കുറിപ്പ് മുറിയില്നിന്ന് കണ്ടെത്തിയിട്ടുണ്ട്. പെണ്സുഹൃത്തിന് മെസ്സേജ് അയച്ച ശേഷമാണ് ആത്മഹത്യ ചെയ്തത്. പെണ്സുഹൃത്താണ് സംഭവം പൊലീസിനെ വിവരം അറിയിച്ചത്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. Toll free helpline number: 1056)