Sunday, May 19, 2024
Online Vartha
HomeTravelകന്യാകുമാരിയിൽ കണ്ണാടി പാലം; വിവേകാനന്ദപ്പാറയിൽ നിന്ന് തിരുവള്ളുവർ പ്രതിമ വരെ

കന്യാകുമാരിയിൽ കണ്ണാടി പാലം; വിവേകാനന്ദപ്പാറയിൽ നിന്ന് തിരുവള്ളുവർ പ്രതിമ വരെ

Online Vartha
Online Vartha
Online Vartha

കന്യാകുമാരി: കന്യാകുമാരി ഒരു അന്താരാഷ്‌ട്ര ടൂറിസ്റ്റ് കേന്ദ്രമാണ്.അവിടത്തെ ഏറ്റവും വലിയ ആകർഷങ്ങളിൽ ഒന്നാണ് കന്യാകുമാരി ഭഗവതി അമ്മൻ ക്ഷേത്രം . ഇത് കൂടാതെ മൂന്നു കടലുകൾ ഒന്നിച്ചു ചേരുന്ന ത്രിവേണീ സംഗമതത്തിൽ സ്നാനത്തിനും അവിടെ നിന്നുള്ള സൂര്യോദയ സൂര്യാസ്തമയ ദർശനത്തിനുമായി വിദേശത്തുനിന്ന് അടക്കം നിരവധി സഞ്ചാരികൾ കന്യാകുമാരി സന്ദർശിക്കുന്നു. കടലിനു നടുവിൽ സ്ഥിതി ചെയ്യുന്ന വിവേകാനന്ദ സ്മാരകവും അതിന്റെ തൊട്ടടുത്ത് പിൽക്കാലത്ത് ഉയർന്ന തിരുവള്ളുവർ പ്രതിമയും നയനാനന്ദകരമായ കാഴ്ചകളാണ്. വിവേകാനന്ദപ്പാറയിലേക്ക് ഉള്ള ജലമാർഗ്ഗം ആഴത്തിലുള്ളതാണ്. അതിനാൽ കന്യാകുമാരിയിൽ നിന്ന് ബോട്ട് മാർഗം എത്തിച്ചേരാൻ കഴിയും.എന്നാൽ തിരുവള്ളുവർ പ്രതിമയിലേക്കുള്ള പാത ആഴം കുറഞ്ഞതാണ്, കൂടാതെ അവിടെ ധാരാളം പാറകളുണ്ട്. ഇതുമൂലം കടലിൽ നീരൊഴുക്ക് കുറവുള്ള സമയങ്ങളിൽ വിവേകാനന്ദ സ്മൃതിമണ്ഡപത്തിലേക്കുള്ള ബോട്ട് ഗതാഗതത്തെ തിരുവള്ളുവർ പ്രതിമയിലേക്ക് കടത്തിവിടില്ല. ഇതുമൂലം ഇവിടെയെത്തുന്ന വിനോദസഞ്ചാരികൾക്ക് പലപ്പോഴും തിരുവള്ളുവർ പ്രതിമ സന്ദർശിക്കാൻ കഴിയാറില്ല.

 

ഈ സാഹചര്യത്തിലാണ് 37 കോടി രൂപ ചെലവിൽ കഴിഞ്ഞ വർഷം ജൂണിൽ വിവേകാനന്ദ സ്മൃതിമണ്ഡപത്തിൽ നിന്നും തിരുവള്ളുവർ പ്രതിമ വരെ ഒരു കണ്ണാടിപ്പാലം നിർമ്മിക്കാൻ ആരംഭിച്ചത്. 72 മീറ്റർ നീളവും,10 മീറ്റർ വീതിയുമുള്ള പാലം വിനോദ സഞ്ചാരികളെ ആകർഷിക്കുന്ന രീതിയിൽ കണ്ണാടിയിലാണ് നിർമ്മിക്കുക ആദ്യം തിരുവള്ളുവർ പ്രതിമ സ്ഥിതി ചെയ്യുന്ന പാറയിൽ പാലത്തിന്റെ നിർമ്മാണ പ്രവർത്തനങ്ങൾ ആരംഭിച്ചു. മറുവശത്ത്, വിവേകാനന്ദപ്പാറയിൽ ഗ്ലാസ് കേജ് ലിങ്ക് ബ്രിഡ്ജിന്റെ പണിയും നടന്നു.കൂടാതെ വിവേകാനന്ദ സ്മൃതിമണ്ഡപത്തിനും തിരുവള്ളുവർ പ്രതിമയ്‌ക്കും ഇടയിൽ സ്ഫടിക കൂട് പാലം നിർമിക്കാൻ കടലിന് നടുവിൽ 6 കൂറ്റൻ തൂണുകൾ സ്ഥാപിച്ചു. തിരുവള്ളുവർ പ്രതിമ സ്ഥിതി ചെയ്യുന്ന പാറയുമായി പാലത്തെ ബന്ധിപ്പിക്കുന്നതിന് 27 അടി ഭീമൻ തൂൺ സ്ഥാപിക്കുന്ന ജോലികൾ പൂർത്തിയായി..

 

RELATED ARTICLES
- Advertisment -
Online Vartha
- Advertisment -
Online Vartha

Most Popular

error: Content is protected !!