യാത്രക്കാരുടെ തിരക്ക് മൂലം സർവീസ് നീട്ടി കൊച്ചുവേളി – മംഗളൂരു ട്രെയിൻ

തിരുവനന്തപുരം: കൊച്ചുവേളി – മംഗളൂരു സ്പെഷ്യൽ ‌ട്രെയിൻ സർവീസ് സെപ്റ്റംബർ 28 വരെ നീട്ടി. യാത്രക്കാരുടെ തിരക്ക് പരിഗണിച്ചാണ് സർവീസ് നീട്ടിയത്. 06041 മംഗളൂരു ജംഗ്‌ഷൻ–കൊച്ചുവേളി സ്പെഷ്യൽ ‌വ്യാഴം, ശനി ദിവസങ്ങളിൽ രാത്രി 7.30-ന് പുറപ്പെട്ട് പിറ്റേ ദിവസം രാവിലെ 8-ന് കൊച്ചുവേളിയിലെത്തും. മടക്ക ട്രെയിൻ (06042) വെള്ളി, ഞായർ ദിവസങ്ങളിൽ വൈകിട്ട് 6.40-ന് കൊച്ചുവേളിയിൽനിന്ന് പുറപ്പെട്ട് പിറ്റേന്ന് രാവിലെ 7-ന് മംഗളൂരുവിലെത്തും.കൊല്ലം, കായംകുളം, ആലപ്പുഴ, എറണാകുളം, ആലുവ, തൃശൂർ, ഷൊർണൂർ, തിരൂർ, കോഴിക്കോട്, വടകര, തലശേരി, കണ്ണൂർ, പയ്യന്നൂർ, കാഞ്ഞങ്ങാട്, കാസർകോട് എന്നിവിടങ്ങളിലാണ് സ്റ്റോപ്പുകൾ